بو وطن گيتميش درکدن بسکه ظلماتلار گؤرﯙپ،
سن وطنداشدان بوگـﯙن بير چأره درمان بولمايار؟
اورش اديپ توپراق سوويردی همه سين گـۆلأ سـﯙرﯙپ،
شبابلئقدا غالمادی جان، شيله حرمان بولمايار؟
حزب ِ جمهوریِ اسلام، بحث حزبی دالاشار،
آراسئندا ايل و خلق و چاغا – چوغا آغلاشار،
اوندا صدام بو خمينی آلا – چولا ساناشار،
غان دؤکيشيک ايله مکدن با شغا فرمان بولمايار؟
هر ساعت نوبتدا دوروپ کؤپچيليک وقتئن گؤرر،
اول مغازّيندان بيتيرسه، بو تـﯙکأندِن بوش تورار،
خورده غالان بوتلی بايلار آرادا سرخوش بولار،
کؤپن بيله ساتجاق ماتانگ يئغئش پنهان بولمايار؟
ايل و خلقئنگ شانس و بختئن غئسغاجئق کاغذ کسر،
بير يومورتغا بير دؤووم نان ائلغادئپ دابان غازار،
يرده غالان غريب، غاسار ائلغاشئپ هر در قاقار،
ای يارانلار! بو جماغاتدان-دا سوراغ ادن بولمايار؟
آچئلدی يوزبير خاسابئ طنه-ده کؤپ شول دک شکاف،
بو شکاف دان اول شکافا ائلغادار آخوند صحاف،
بو صحاف لار دويمادی، تالانگدا دويّان بولمايار؟
يئغشئرئپ غويدونگ غاباتدا، زر ديييپ سن ساتمايئپ،
ايله محتاج آذقالاردان دويمادئنگ سن غاتلايئپ،
قحط قئلئپ خلقئنگ چؤرگينی، بيرجه تنّگا ياتمايئپ،
شيله بير بايلئق بولارمئ؟ خلقئ دويّان بولمايار؟
ای که دانالاردان ايرن! ايسته مرسينگ علمی خوش،
بلکه غئردئنگ ساغئ-سولئ ايندی بولدونگ عقلی بوش،
ينگلرينگدن غان دامئپ دور، اديپ سينگ سن جانئ نوش،
خون ايچيپ سن غانمادئنگ مئ؟ گؤزده گريان بولمايار؟
چأرجؤ- 1988/ ميلادی
-------------------------------------
« قايدا دئر؟»
نيچه يئللاپ آه و فراق چـکريم، جــا ن قـايدا دئــر؟
سرو و صنوبر، توت – چنارئم باغ و بستان قـايدادئــر؟ تيغ ِ خنجر، باغـري سانجار، آفت ِ جــان قايدادئــر؟ بسکه وصفئن ايله نن چـوخ، جنّت مکان قـايـدادئـر ؟ خانه – مالئم قئلدي ويران شول گلستان قايدادئر؟ *** بو يالانچئ بأش گـون عـمر فـاني دنيا نيله سـين ؟ صبح و شام لار جنگ و دعـوا غانلئ دنيا نيله سين ؟ پول و مال و حرص و آز دئر معـنيّ ِ دنيـا نيله سين؟ غرب و شرقئ اؤلچـوپ آليانئنگ سانئ دنيا نيله سين ؟ مال و دنيا، حـرص اوچين ا ُل عاري ساتان قايدادئر؟ *** بـير توپاري قئلدي هجـران بو فلک کوپ آغلادئپ، بـير توپارنئ قئلدئ گدا ال – آياغنـئ باغلادئپ، بـير توپارنئ قئلدئ فـدا انه باغـرئنئ داغلادئپ، بـير توپارئ حقّئ اداء اتديلر جـان تالادئپ، بـو بأش گونليک نفسـي اوچـين وطن ساتان قايدادئر؟ *** قايدا قالدئنگ اي مکانئـم گرگـن و دشت و صـحـرا ؟ بو گون کـرون گليپ يتـدي آيـري بير منـزل سـرا، بو منـزل ده يـوق قرارئم گِـر يتمِسم ا ُل ســرا، آيرالئق اوُدئ سالانـدئر قلبئمـا يـوزمونگ يـارا، ترکمن خلقئنگ ترکمن اصـلئ ترکمنـستان قايدا دئر؟ *** يؤنگکه لِن بو ياغدايئم گِنگ دورموشئم تنگ دير دليم، خزان اوروپ بـُستانئما ، ساغرالئپ سولـدئ گوليـم، بو يالانچئ فانـي دنيـا ، باغـلادئ بو ال – قُولئم ، تـيرارئم گول ال اوزادئپ، يتـه بيلمـزدن الـيم ، کؤيـميشم بـو درد – الِمـدن، مـي و مـستان قايدادئر؟ *** سؤيگي معني تاپدئ وطن، بسـکه هـجران ايله ديـپ، غارا تومليک آيرا سـالدئ جـانئ ويـران ايله ديـپ ، دوغان – ياران ، دوست _ غارداشئ تار و ماران ايله ديپ، غنـئم غاباپ دوزاق غوردي ، سحر و ريگان ايله ديـپ، مار چاقـان دک چاشدئ بو گون ، يار و دوسـتان قايدادئر؟ *** وصفئنگا مست اُولمئشـام ، عاشق کمين ديدارا زار، غفلـتا ! غال اوقـئدان، ا ُل جنّـتينگ بيـدارا زار، آغئر گون باشـدان گچيرسنگ، شوندا سن تيمـارا زار، گِل بوگون غانات يايئپ گيتسم برون، هـوشيارا زار، دورنا دي اوچـسام يريمـدن، ا ُل دهـستان قايدادئـر؟ *** عشق آباد – ۱۹۹۶
